O Nadal xa está case aquí. Comeza a conta atrás para os agasallos, as panxoliñas e os atracóns tan típicos destas datas. Noiteboa, Nadal, Fin de Ano e os Reis Magos, o certo é que todos os días sinalados van acompañados dunha reunión arredor da mesa onde o protagonista principal é a comida.

Se este ano tocouche organizar a ti algunha destas celebracións as dúbidas instalaranse na túa cabeza. Aposto por un menú tradicional ou innovador? Cantos pratos teño que preparar? Onde e cando compro os ingredientes? Para elaborar unha cea ou comida que sorprenda aos teus familiares e amigos debes poñer todo o teu enxeño sobre o asador, pero tamén tes que apostar por produtos autóctonos de calidade. De pouco serve elaborar unha sofisticada receita se os ingredientes que utilizamos non son produtos frescos e de gran calidade, algo do que cada vez somos máis conscientes.

O marisco, o rei do Nadal 

Para apostar por produtos autóctonos e naturais que non sucumban ás novas formas de produción e consumo masivo, contamos en Vilagarcía de Arousa cos produtos ofertados pola Praza de Abastos. Aquí atopamos diferentes postos especializados na venda de todos os produtos que necesitarás na túa cesta da compra do Nadal. Desde as carnes vermellas, brancas e azuis máis exquisitas e frescas do mercado galego (tenreira, cordeiro, pito, porco, coello, gayo, pescada, peixe espada, bonito, dourada...) ata as verduras máis naturais extraídas da nosa terra. Sen esquecernos por suposto do rei indiscutible do nadal: o marisco. Desde tempos inmemorables os crustáceos e moluscos convertéronse nun prato imprescindible en calquera fogar español, xa sexa pola presenza dun banquete de luxosos percebes ou dun alcanzables pero sempre exquisitas gambas. En Galicia, esta tradición fortaleceuse grazas aos produtos autóctonos das nosas rías que cumpren cos máximos estándares de calidade. Na Praza de Abastos de Vilagarcía atoparás unha gran selección dos mellores mariscos autóctonos de tempada procedentes das mellores lonxas galegas: Muros, Carril, Riveira, Cambados, Vilaxoán, Vigo, A Illa, Vilanova... Un marisco fresco da máxima calidade que requirirán moi poucos esforzos de preparación, posto que a esencia dun prato sempre está na súa materia prima.

Aperitivos, sobremesas e moito máis 

Ademais da mellor selección de ingredientes necesarios para os entrantes e o prato principal, a Praza de Abastos ofrécenos unha ampla selección de produtos galegos para complementar a mesa de aperitivos, sobremesas e bebidas. Nalgúns postos específicos atoparás unha ampla variedade de viños e licores autóctonos, así como queixos do país, embutidos de elaboración propia e empanadas artesanais para encher a túa mesa de aperitivos gustosos da mellor calidade. E se o teu plan para a sobremesa é elaborar un prato san e natural que contrarreste o exceso calórico que achegan os turróns, mazapáns e chocolates, tamén tes á túa disposición froitas de tempada da mellor calidade.

En definitiva, na Praza de Abastos atoparás todos os produtos que necesitas para encher a túa cesta do Nadal e recibirás un trato amable, personalizado e flexible. Cada establecemento está especializado nunha área específica pero todos teñen un obxectivo común e uns requisitos consensuados para brindar sempre os produtos autóctonos máis frescos.