Qué crees que hai que facer para apoiar a economía local?

En épocas de dificultade económica, adoitan ser as pequenas empresas as que máis perden. Un modo de alentar a trama empresarial da nosa zona é encargando as diferentes accións de teu proxecto nas empresas locais tal como o asesoramento, a publicidade, provedores de materiais, imprentas... Traballar en colaboración cos teus veciños proxecta unha maior confianza e imaxe de empresa. Este intercambio entre negocios da mesma zona, da unha maior visibilidade a ambas partes, é máis fácil o apoio e recomendacións no boca a boca e nas redes sociais entre pequenas empresas. Crear unha rede de contactos e recomendacións, beneficia o talento e a economía local.

Que medidas tomaches no teu negocio?

Debido a este inesperado escenario, moitos negocios víronse nunha situación moi complicada. No meu caso non foi tan grave como outras compañeiras/os. O meu negocio é maioritariamente online, polo que neste tempo de confinamento a comunicación coas miñas clientas non se viu interrompida. Nos primeiros meses cesei a produción e os envíos e en canto empezo a moverse todo de novo ofrecín a opción de cancelar ou atrasar o pago e envío, xa que o meu producto non é de primeira necesidade. Teño que dicir que as miñas clientas non desapareceron en ningún momento e que me seguen apoiando ata o día de hoxe, polo que lles estou moi moi agradecida. O trato persoal, ser amable, ofrecer solucións é necesario para afianzar clientes e seguir crecendo.