Redacción revista eSmás | Revista eSmás Vilagarcía Nº 20
Nunha sociedade como a galega, na que a tradición oral é un dos alicerces da súa cultura
Nunha sociedade como a galega, na que a tradición oral é un dos alicerces da súa cultura, non é pouco habitual que os nosos pobos leven séculos acumulando unha morea de lendas que van pasando de xeración en xeración e alimentando a maxia que tanto nos caracteriza dentro e fóra das nosas fronteiras. Por iso queremos percorrer todo o noso territorio e coñecelas todas. Comezamos esta nova sección de eSmás Vilagarcía pola parroquia de Fontecarmoa, unha das máis antigas de toda a comarca do Salnés.
Este pequeno núcleo, no que viven algo máis de 500 persoas, ten o seu epicentro na súa igrexa románica e débelle o seu nome á época romana, xa que o seu significado en latín sería o de “fonte do sacrilexio” ou “fonte do feitizo”. Con ese nome, non é difícil imaxinar que nesa fonte acontecía algo pouco habitual. É precisamente da súa etimoloxía de onde podemos extraer a importancia que xa tiña a fonte naqueles tempos remotos e que aínda hoxe en día incorpora un elemento de misticidade a esta terra: o da lenda das súas augas.
Segundo conta a historia, a auga da fonte de Fontecarmoa non só tiña a función de abastecer á veciñanza desta zona, senón que a iso se lle engadían propiedades curativas.
Falamos en concreto da fonte que lle dá o nome a esta parroquia vilagarciana, e que se atopa localizada no camiño que vai dar ao regato de Santa Marina, nas proximidades da pista que se denomina como Camiño da Regueira e moi próxima ao ‘Fogón da Ría’.
Desde o tempo dos romanos, xa estes acudían á fonte para que as súas augas os axudasen a curarse do mal das verrugas (en plural xa que, como saben quen padecen delas, nunca adoitan vir de unha en unha). Co paso do tempo e coa chegada da cultura cristiá, soubemos que para ser eficaz ese ritual non abondaba con levalo a cabo en calquera momento do día, senón que había que agardar á posta do sol. Pero non só iso porque, ademais, á vez que se ían lavando os pés na fonte debíanse recitar as seguintes palabras:
“Catro verrugas teño no corpo,
Catro verrugas e non me conforto.
Tomando estas augas vivas
Tornaranse confortativas.
Augas vivas por todas,
Augas vivas por todas”
E, mentres se lavan as verrugas unha a unha, engadir o seguinte:
“Lévete Satanás, que con esta auga morrerás.
Co poder de Deus e da Virxe María,
Un Padre Nuestro e un Ave María”
Para que o poder curativo das augas de Fontecarmoa funcionase de verdade, estas persoas tiñan que repetir esta acción durante sete días seguidos e, segundo conta a lenda, finalmente acababan curadas. Alén de mitos e lendas, sexan verdade ou fantasía, o que si sabemos con certeza é que a fonte de Fontecarmoa contaba ata hai arredor de vinte anos cunha figura de pedra que representaba a un militar, á altura por onde brota a auga (de feito, a auga saía ao exterior baixo os seus pés), armado cunha espada. ¿Quizais fose porque alguén se tiña que ocupar, dunha maneira simbólica, de custodiar esas augas de tanto valor? Por desgraza, nunca o saberemos.
Angeles Tilve - Peluquería Unisex. Tlf: 626456011 - 886309829. Plaza Juan XXII, 2 - local 10. Vilagarcía. Horario: Martes a Sábados, de 9:00 a 20:00h.
Diseño e Interiorismo. Plaza de Galicia nº19 5º, Vilagarcía de Arousa. Telf: 986 509 006 | 670 517 181 E-mail: jorge@jorgejimenezinteriorismo.es
Las mejores piezas de las mejores marcas del mercado. Plaza Galicia, 8 - Vilagarcía Telf: 986 50 01 82 Visita nuestra web - Siguenos en Facebook
Camino das Barreiras, 2 - Guillan - Vilagarcía de Arousa Telf: 620 249 739 - https://www.construgal.es/
Peluquería de señora, caballero y niños. Todo tipo de tratamientos y servicios para eventos con productos de la mejor calidad. - C/ Castor Sánchez nº18, Vilagarcía. Telf: 986 189 992 Facebook Tijeras de diseño
Giraldo Policlínica Dental. Disfunción de la articulación témporo-mandibular. Plaza de Galicia, 8-4º. Vilagarcía. Telf: 986 512 424 Clínica Giraldo
Diseño de Páginas Web y Tiendas Virtuales - Creación de Marca - Marketing Digital - Producción Audiovisual - Publicidad Impresa - Posicionamiento SEO y SEM en Google. Encuéntranos en Avenida de la Marina, 122 Bajo - Vilagarcía de Arousa Tlf: 986 50 82 72 Visita nuestra web
Centro de Estética Avanzada en Vilagarcía de Arousa con más de 15 años en el sector. Rúa Arapiles, 8. - Vilagarcía - Telf: 608 106 273 - Visita nuestro instagram instagram.com/susanacolorado.beauty
Panificadora Victor Cordo, desde 1980. Castor Sánchez, 1 - Vilagarcía. Telf: 986 50 15 39
Recambios e hidráulica Miro - Tu tienda multimarca de suministros para la industria y la automoción. - Avenida das Carolinas, 48, 36600 Vilagarcía de Arousa, Pontevedra. - T. 986 50 00 10.