Perla de Arousa foi fundada en Vilagarcía no ano 1988. Estableceuse así a primeira escola da bisbarra que comezou a reglar os estudos de danza.
Partindo do legado do extinto Ballet Galego Rey de Viana, Perla de Arousa segue a xuntar o baile tradicional coa técnica clásica do ballet para ofrecer unha expresión única do folclore galego onde as lendas e tradicións se converten en movemento.
Os alumnos máis veteranos da escola traspasaron en innumerables ocasións as fronteiras galegas, levando as nosas danzas a escenarios nacionais. A súa arte incluso pasou a nivel internacional dado que estiveron en lugares coma Nova York ou Francia
O traballo de divulgación do noso folclore conta con recoñecementos coma o Premio César Dios “Diosiño” (Premio Cultural da Deputación de Pontevedra, 2009).
Ademais do ballet clásico e da danza clásica e galega, nos últimos anos incorporáronse actividades como o pilates, os bailes de salón, zumba ou body-jump.