Ven dunha familia de músic@s e artistas e dende sempre se interesou polo mundo do arte. Tivo a sorte de ter uns pais aos que o mundo artístico non lle parece unha perda de tempo.

De pequeno anotárono a deuxo e pintura, xa que viron que prestaba interés nese campo que máis tarde abandonaría para centrarse na música. En moitas ocasións tiveron que buscar fóra de Vilanova estas actividades artísticas polas que se volcaban Nolo e súa irmá.

Coma eles, existe moita xente que se sinte interesada por estudar arte pero sólo teñen a oportunidade de estudalo fóra, e a prezos moi elevados. Está ahí o exemplo de Elena Reigosa querendo estudar fotografía ou Lara González querendo estudar danzas urbanas, tiveron que irse a Santiago de Compostela e Barcelona (respectivamente) para poder estudar o que lles gusta.

Dende Caliveras queren ofrecer o servizo para que calquei- ra persoa poida aprender sen necesidade de moverse da vila. Ademáis, Vilanova é un pobo ao que lle gusta a cultura pero non ten un centro de ensino de calidade. Agora estamos nós.

A oferta de Caliveras non se pecha a ningunha competencia en particular. Teñen unha serie de materias que son fixas durante todo o ano e tamén programan actividades durante o curso (charlas, obradoiros, cursos, seminarios...).

As materias que ofreceron ao comezo desta aventura foron: Artes Plásticas (con Rafael Feijoo), Artes Escénicas (con Rocío González), Batería, Batucada e Combo (con Nolo Chazo), Danzas Urbanas (con Lara González) e Fotografía (con Elena Reigosa).

Actualmente contan con dúas materias máis: Ioga-Danza con Andrea Rey e Canto con Thais Suki. Cando poidan retomar as clases presenciais tamén comezarán con Pilates.

Si existe un grupo de persoas que se interesan por certa actividade, Caliveras intentará ofrecerlle a posibilidade de estudalo nunhas instalacións adecuadas e con artistas profesionais como docentes.
A grandes rasgos aínda que hai xente na vila que a día de hoxe non coñece á escola, está tendo moi boa acollida en xeral. O peor é que ao ser do sector cultural, esta crise afectoulle moito.

Pero en Caliveras son positivxs e seguirán sempre adiante como di a banda Ruxe Ruxe! Esperan voltar con moitas forzas e ganas de poder ofrecer o festival de fin de curso que lle deben á súa familia de artistas!

Agora ofrecen clases online cos recursos que teñen mentras non poidan voltar ás aulas. Por motivos de seguridade, o Concello non deixa abrir o Auditorio. Polo que Caliveras, a Escola de Música Mucinipal e a Compañía de Teatro que conviven nesas instalacións non poden abrir ao público, a pesar de cumplir con tódolos protocolos necesarios.

Gustaríalles poder aumentar a oferta en materias e que tod@s poidan ter a oportunidade de aprender de grandes profesionais do panorama nacional e internacional. Sería un soño ver que en Vilanova medra a canteira de artistas con Caliveras coma ‘culpables’.