Logo de la empresa

O Noso Lar - Teatro -

Redacción revista eSmás | Revista eSmás Vilagarcía Nº 19

A andadura de ‘O Noso Lar’ comezou en 1980 cun grupo de mulleres de toda Arousa

O Noso Lar  - Teatro -


 

A andadura de ‘O Noso Lar’ comezou en 1980 cun grupo de mulleres de toda Arousa e dunha maneira anécdotica durante unha cea da Asociación na que interpretaron un sketch escrito por unha das socias. As primeiras obras que representaron foron sainetes e outras pezas de curta duración pero un grande reto para as integrantes, todas elas  mulleres: o de interpretar papeis de homes.

A primeira directora que tivo o grupo foi Camila (Cami), despois seguiulle Mª Carmen Abalo, Elvira Cancelo (Viri), Luisa Guidín e actualmente esta á fronte Estrela Martínez.
As representacións, caracterizadas sempre polo seu estilo cómico e con textos tanto en galego como en castelán, comezaron en pequenos locais da zona, como os das asociacións de veciñanzas ou de mulleres rurais, pero axiña houbo que cambialos por outros locais con máis aforo, grazas á gran afluencia e recoñecemento do público e, desde xeito, foi como chegaron ao Liceo Casino, á Casa da Cultura ou ao Auditorio onde tiñan lugar as estreas.

Pero ‘O Noso Lar’ non só representa en Vilagarcía, senón que chega o resto de Galicia. Malia que na actualidade o grupo de teatro segue a mesma traxectoria, agora mesmo si que contan con integrantes masculinos para algún que outro  papel e, ademais, nesta etapa se están a recuperar obras que hai máis de 15 anos que xa se representaron.

Os compoñentes actuais son: Rosa Castañeda, Cristina Hernández, Ana Cores, Miguel Angel Cores, Lucia Rodríguez , Ana Belen Romero, Nuria , Chicha Maneiro, Cruz Miguez, Alberto, Diana, Pepa Franco, Estrella Martinez.

Anunciantes de la actual edición de la revista eSmás:

Scroll to Top