A Vilagarcía Antiga | Revista eSmás Vilagarcía Nº 10
Fotografías: Patrimonio Vilagarcía www.patrimoniovilagarcia.com
Os terreos que actualmente ocupa a Praia de Compostela formaron parte, noutros tempos, dos xardíns situados fronte a esta, ao outro lado da estrada; da adquisición destes fala "Galicia Nueva" na súa edición do venres, 2 de Agosto de 1929, manifestando que "é un feito a adquisición polo noso Concello dos xardíns de D. Joaquín Martínez na parte que dá ao mar, para converterse en praia estival. Moi pronto se levarán a cabo melloras que transformarán aquel lugar en paraxe marabillosa"; haberían de transcorrer dous anos para que isto fose realidade.
Don Joaquín Martínez non puxera trabas á cesión da súa propiedade e o 3 de Agosto do mesmo ano, dicíase que eran moitas e ben ponderadas as xestións levadas a feliz termo polo Concello. E, ademais dos progresos que estaba experimentando Villagarcía, dicía o xornalista que " mais alá habemos de chegar sempre que a nao do noso Municipio conte coa actual tripulación comandada polo Sr. Lafuente" coa eficaz colaboración da Permanente.
O 26 de Xuño de 1930, xorde algunha inquedanza polo atraso das obras, e di o xornalista que "Don Valentín Viqueira, actual alcalde de Vilagarcía, que ten a consideración persoal de todos os veciños, non ha de ser obstáculo para a realización destes proxectos que, en definitiva, veñen a satisfacer unha necesidade ineludible deste pobo".
Engadía que, estando a finais de Xuño, a Corporación había de procurar converter en parque público o terreo adquirido polo Concello anterior na avenida de Joaquín Martínez, xa que no presuposto figuraba para este obxecto unha partida de 25.000 pts. e aínda que non fosen investidas totalmente poderíanse abrir dúas portas máis na avenida, quitar o enreixado da praia, poñer dúas ducias de bancos, limpar herbas dos camiños e fixar alí o seu posto a dous axentes da Autoridade que vixiaran a conservación de todo, aínda que o xornalista supoñía que habería alguén interesado en que isto non fose arriba.
Non obstante, para satisfacción de todos, o 3 de Xullo, empezaron a obras e en Agosto inaugurouse a praia de baños municipal; para empezar, "colocaron casetas a prezos módicos, cantina ben fornecida, ben repleta, para satisfacer os gustos dos máis esixentes. Non faltaban cervexas, nin bocadillos, refrescos, licores. Todo ben presentado e con servizo esmerado".
Xa, o Domingo, 9 de Agosto de 1931, tívo lugar o "bautizo" da Praia de Compostela. Ás 9, dianas e alboradas; a banda de música e gaitas do país percorreron as rúas, onde había grande animación.
Na estación do ferrocarril, baixo a marquesiña da plataforma, había un letreiro: "Villagarcía saluda a Compostela" e aos lados, as bandeiras española e galega; as plataformas abarrotadas. Alí estaban a banda de música e gaitas; esperaban o tren o Alcalde don Jesús Elpidio Villaverde Rey e a Corporación; o deputado señor Gómez Paratcha; o Xuíz, señor Bellver; o 2º Comandante de Mariña, señor Maffei; o Corpo Consular; o presidente da Cámara de Comercio don Agustín Pereira Fernández.
Ás 11'30 entrou en agullas o tren, coa locomotora engalanada, no que viña a representación de Compostela, sendo recibido con salvas de bombas, ovacións e a interpretación do Himno de Riego. O alcalde deu a benvida á Corporación santiaguesa e representantes da Universidade e dirixíronse á praia, en cuxo parque, engalanado con bandeiras, había unha tarima onde se situaron o alcalde Jesús Elpidio Villaverde Rey; o alcalde de Santiago, Raimundo López Pol, e o Xuíz de Instrución, señor Bellver; o Secretario, señor Gómez Ricoy deu lectura á acta do acordo municipal polo que se daba á praia o nome de Compostela; a continuación pronunciaron os discursos de rigor os alcaldes de Villagarcía e de Santiago de Compostela.
Despois do acto, houbo un banquete no parque de don Joaquín Martínez, servido polo conserxe do Casino, Tomás Gonzalo, en tanto que moita xente se foi a comer á illa de Cortegada, onde houbo unha romería.
Ás 9 da noite houbo unha recepción no Concello e posteriormente unha verbena no parque con lumes de artificio.
As antigas casetas atopábanse ao longo de toda a varanda da praia .Daban servizo a todas as persoas para que puidesen cambiarse de roupa. Cada unha delas estaban pintadas de distintos motivos e cores, o que daba un ambiente pintoresco ao parque. O artista que deixou a súa impronta nos debuxos que podemos ver nalgunha delas foi Eugenio Granell considerado como o derradeiro pintor surrealista español . Viviu en Vilagarcía entre os anos 1935/1936. As casetas, na parte interior tiñan un pequeno andel e uns colgadores para a roupa e no chan un pequeno enreixado de madeira.
Restaurante con una amplia y exquisita variedad gastronómica. Raciones, ensaladas, marisco, pescados, carnes, postres caseros.Dir: Avda, Rosalia de Castro, 117 Telefono de reservas: 886 215 287 Siguenos en Facebook
Amplio y variado catálogo con los mejores inmuebles de la zona. Pisos, casas y locales en venta, alquiler y alquiler con opción a compra. C/ Castelao, 17 - Vilagarcía. Telf: 986 18 59 85 | Mvl: 629 184 188. E-mail: administracion@avelinobarreiro.com Visita nuestra web
Carolina Méndez - Especialista en ortodoncia exclusiva e invisible. Profesionalidad, experiencia y garantía. Instalaciones renovadas en Rúa Valentín Viqueira, 3, 1º, 36600 Villagarcía de Arosa, Pontevedra. - Telf: 986 50 90 35 - http://www.carolinamendez.es/index.html
Exquisita selección de las mejores carnes, pescados, mariscos y vinos. C/ Lugar Fontecarmoa nº87, Vilagarcía. Telf: 986 507 962 - 986 510 763 | C/ Avenida de Rosalía de Castro nº122, Vilagarcía. Telf: 986 507 306 - 986 510 841A Ría. O fogón da ría
Axa, agente Juan Pintos - Los mejores seguros de autos, empresas, salud, hogar, vida y ahorro. - Arapiles nº7 bajo, Vilagarcía. - Telf: 986 511 231 E-mail:juan.pintos@agencia.axa-seguros.es www.axa.es
Tratamientos faciales, cabinas de bronceado, pedicura y manicura en Vilasol. Juan Carlos I, 24, Vilagarcía. Citas: 986 50 12 80
Especialista en acupuntura veterinaria y fitoterapia. Avda Juan Carlos I nº15, Vilagarcía. Telf: 986 502 200 Movil: 607 45 39 04Visita nuestra web
Tu boutique de moda para hombre y mujer con diseños de inspiración marítima. C/ Edelmiro Trillo nº21, Vilagarcía. Telf: 986 551 881 Visita nuestra web
Tapería Vinoteca Rúa Mendez Nuñez, 30 - Vilagarcía- reservas: 986 186 966 - 649 090 170 Siguenos en facebook
Cafetería y desayunos, tapería, bocadillos, menú del día y comida para llevar. Av. la Marina,132 - Vilagarcía. Telf: 886 163 513 - Visítanos en páxinas galegas