Pablo Vidal Mendoza (Barakaldo 1966) medrou escoitando ao seu pai compoñendo e tocando boleros co Trío Los Soberanos. Non era consciente, pero estaba a sementar o xerme da música. Juan Vidal, ensinoulle os primeiros acordes co seu “requinto” e, a partir de aquí endexamais parou de aprender. Por aquel entonces debía de ter uns 7 ou 8 anos. 

Aos 9 anos comezou a estudar piano con Alfonso Galbán, aos 10 acompañaba co órgano ao Orfeón Alento Xoven de Carril que dirixía o seu pai. Aos 12 incorporouse a Airiños como teclista e acordeonista. Con eles gravou O LP Airiños “ Lembranzas dá terra meiga” e xirou por Europa. 

A partir dos 14 anos comezou a tocar o baixo en grupos de pop-rock: “Uranio”, “Kontrabanda”, “7º Convocatoria”, “Os Resentidos” e un longo etc. Sempre música orixinal.

Aos 17 anos foi vivir a Santiago e alí coñeceu o jazz na súa esencia, en directo. Asiduo ao Club de Jazz de Alférez Provisional puido escoitar a Clunia Jazz, NHU, asistir en directo á gravación do programa “Jazz entre amigos” e participar en numerosas jams sesions. Na capital galeg formou parte do grupo “7º Convocatoria” xunto a Xabier Camba, Javier Debesa, Pepe Cendón, Jorge Val, Jorge “condorito”... facían Ská pero empapado de moito swing e funk. Gravaron unha maqueta de noite na UP de Vigo. Como anécdota peculiar, cabe destacar que Mecano foi os seu teloneiro nun concerto en Castrelos a finais dos anos 80. Aínda que todo estaba organizado para que fose ao revés, por problemas técnicos, o grupo de Pablo Vidad acabou actuando despois do recoñecido grupo español. 

Ademais de estudar e participar en proxectos creativos, foi arranxador dalgunhas das orquestras mais relevantes da época, entre elas a Orquestra Passarela, seleccionada por Pedro Almodóvar entre as mellores do país para tocar na presentación da súa película “La flor de mi secreto”.Tamén traballou como músico de estudo. O seu baixo e contrabaixo pódense escoitar en decenas de discos. Mentres, estudaba no Ateneo Jazz Madrid harmonía, arranxos e composición e nacían as súas fillas xemelgas. 

A súa primeira gran influencia musical, foi sen dúbida o seu propio pai Juan Vidal Lemiña “Charly”, pero as bandas sonoras da época dourada de Hollywood, así o rock sinfónico dos 70 e 80 o jazz e a fusión tamén foron grandes referentes. A pesar de ter bos mestres, resalta sempre o seu carácter autodidacta. A curiosidade, a investigación e a evolución debe ser constante.

Na actualidade adícase a compoñer, gravar e producir música no seu estudo en Bamio chamado aldeaglobal. Algúns dos discos que producíu son: Pablo Vidal Group “Orixe”, Pablo Vidal Trío “Jazz Pagano”, Clara Pino & Pablo Vidal “Nowhere”, Proxecto Sapoconcho, Tatán “chapeu”, A Doce Vita “Sons de Cine”, etc. En breve será a presentación oficial de “Galicia Fermosa” o libro-CD con cancións de Juan Vidal Lemiña feito coa colaboración da Concellería de Cultura de Vilagarcía.