Uxío López naceu en Irún en 1958 e, con el, a súa condición de pintor. Aos catro anos mudouse a Trabanca Badiña, onde medraron tanto el como as súas inquedanzas artísticas. Desde moi novo comezou a participar na efervescente vida cultural do Salnés e non desbotou ningunha oportunidade para compartir experiencias noutros lugares. Non lle resulta doado falar da súa obra xa que considera que as interpretacións, suxestións e emocións deben vir de quen contempla, porque poden non coincidir coas que el ten durante a concepción dos cadros.

Malia a iso, na súa pintura coincide a utilización de pigmentos do aluminio, que permiten crear texturas moi especiais nos distintos soportes que emprega: lenzo, papel, madeira e o propio aluminio. Ademais dos pinceis, para pintar bota man de trapos, escobas, fregonas mailas súas mans e pés.Tamén se caracteriza pola xestualidade, cun amplo espazo para o azar, o erro e a evolución incontrolable dos propios materiais sobre o cadro.
                                                                                                                                                                                                                     Título: “Campo violàceo” - Pigmentos, làtex sobre lenzo - 195 x 162 cm.